من خلال فقرة “مشاهير في الكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم، مع المغني المتألق سعيد موسكير و البداية من هنا
صوفيا العمالكي
بداية بغينا نعروفوا واش كتعاون مع مرآتك في الكوزينة خلال فترة الحجر الصحي؟
“اييه هاد الحجر الصحي خلا كاع الناس اوليو حادكين و كايعاونو فكاع أشغال البيت و حتى فالكوزينة لأن العوين ولابدى منو رغم أن عيالاتنا كايهزو علينا كولشي و مكايخليونا نديرو والو ولكن ضروري من تقديم يد المساعدة”
إلا سولناك على اليوم اشنو طيبتي، أش غاد يكون الجواب ديالك؟
“أش غادي نقوليك هو من ناحية الطياب مكاين طياب ولكن أنا مكلف بأتاي كانوجدو دايزو الكلام مشحر مزيان واخا مكانعرفش القياس د السكر لأن كل براد و قياسو ولكن كانتقنو”
اشنو الشهيوة لي كتتقن طيبها في رمضان؟
“كيفما قلت مكانعرفش بزاف ولكن فالطابلة د رمضان ديالي مكايخطانيش البغرير كل نهار خص اكون البغرير و الحريرة ضرورييين”.
