جربنا و جربنا ما لقينا خير فاللي قلنا اخير
جابتكم الموجة كلنا الله ابتاسم لينا لقدر
جيتونا فصورة بين الملائكة ولبشر
فرحنا ملي رشيتوا لينا المستقبل بما ازهر
ملي فاحت ريحتو صحنا ميمتي اش هاد ازمر
احسبنا ادخالكم جوهر اصدقتو عامرين بلمكر
تاجرتو فلفقر وبان فيكم لغدر
كلما ادوينا على الدنيا ادويتو لينا انتماعل لقبر
بانت عليكم النعمة وازيان فيكم انظر
جددتو لفراش وبدلتو لكبر بصغر
اتكسيتو بلحربر وغطيتونا بدعوات الستر
اكليتوا المجهول و بوفقوس وكلتوا لينا بوستحمي هو اتمر
اضربتو الكافيار واتصورتوا لينا بالبيصر
عمرتو كروشكم وكلتو لينا حنا غرغر
هدا يشيع الفتنة ويظل يكركر
الديبخشي و البيليكي و لوجه لمقزدر
اللي ما مشى فطريقكم اترجموه بلحجر
اللي خالف ريكم تقدروا ترميوه بلكفر
هكذا خنتوا ثقننا و خرجتوا انياب الشر
ماشفنا منكم مزية و ضاع معاكم طرف من لعمر
ضاقت بينا لحوال والخير معاكم اغبر
برعتو اولادكم و خليتو أولادنا فلقهر
هدا يركب الكاط كاط و اليوم الحملة جانا يعتر
كتجيشوا اصحابكم وناوين اتسدوا علينا فلمجر
واش المومن كيتلدغ مرتين من الجحر
ما تشمتوناش كثرة الصبر راه كتدبر
ما تشمتوناش هاد المرة غادي نكونو اكثر واكثر
ما تشمتوناش نهار لحساب غادي نضربو ليكم الطر
محمد البيضاوي
