من خلال فقرة “مشاهير في الكوزينة”، نقدم لكم قراء ومتتبعي جريدتي “خميسة.ما”، و “le12.ma” عربية، خلال الشهر الفضيل الوجه الآخر لمشاهير من شتى المجالات، و علاقتهم مع المطبخ خاصة خلال شهر رمضان الكريم الذي يتطلب تعاون الزوج والزوجة في تحمل أعباء “الكوزينة”.
حلقة اليوم مع أشهر نجوم الويب المغربي وأحسن كوميدي سنة 2014: سيمو السدراتي
حاوره: المصطفى الحروشي
*بداية بغينا نعروفوا واش كتعاون عائلتك في الكوزينة في رمضان؟
ضروري.. تنعاونهم في مشاغل الكوزينة مرة مرة ومشي غير في رمضان حتى في الأيام العادية.. أما دابة أي حاجة ساهلة تنديرها معاهم شلاضة وعصير ونعمر معاهم “البطبوط معمر” ماشي تنصايب البطبوط غي تنعمرو هههه..
*إلا سولناك أشنو تتوجدوا لطبلة رمضان، أش غادي يكون الجواب ديالك؟
ضروري يكون البغرير والزبدة والعسل اما الشي الأخر عادي انا تنبغي كل شيئ مفرق بحال البريوات والتمر والحريرة مرة مرة مشي كل نهار… ولكن حنا تنتعشاو عليها الفطور متنكلش بزاف..
*اشنو الشهيوة لي كتقن تطيبها في رمضان؟
كيف قلت ليك أي حاجة ساهة تنديرها تنعرف نعمر البطبوط ونقطع شلاضة، نصايب عصير.. ومعنديش مع الصعب بحال الطاجين يعني بيني وبين الطبخ غير الخير والإحسان..
*أشنو تقول للمغاربة في هذا رمضان؟
بغيت نقول للمغاربة رمضان مبارك وأتمنى هاذ العشر الأواخر تدخل عليهم بالهنا وراحة البال وبالصحة و طول العمر.. كما استغل الفرصة ونقول للمغاربة طاملين عيد مبارك سعيد.. ولا تزعلو من الحمقى المشاهير هههه
