من خلال فقرة “مشاهير فالكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم مع الممثل المتألق مالك أخميس و البداية من هنا
صوفيا العمالكي
بداية بغينا نعرفو واش كتعاون مرآتك أو الوالدة خلال الحجر الصحي في الكوزينة؟
مساء الخير أنا ممزوجش ولكن أتا كانعاون الوليدة في المطبخ و كل ما يتعلق بالشغل د الدار أي حاجة خاصة و أي حاجة حتاجاتني فيها كانقادها خصوصا و أنا مولوع بالبريكولاج يعني فينما كانت شي حاجة خاصها تقاد و لا خصها تصبغ كانتكلف
مثلا اليوم اشنو طيبتي او اش درتي؟
“اليوم فقت بكري شوية و جمعت الدار غي دغية دغية و درت الرياضة بعد ذالك درت الحريرة طيب بكاع القوام ديالها كل حاجة عطيتها الوقت تا قاديتها و نقيتها و من بعد جمعت كولشي و رديتها طيب دابا راه كانتكلم معاكم مني نسالي ندورها”.
اشنو الشهيوة لي كتتقن تطيبها في رمضان؟
“حنا فرمضان دايرين واحد السيستيم د الأكل مكانديروش دوك التقاطق كانديرو مع الفطور ماكلة وحدة صافي كاناكلوها و نجمعو و نطويو تال السحور و كانشربو الحريرة و لا الصوبة كانحاولو ندجنبو كثرة الأكل مثلا اليوم دايرين للفطور الدجاج بلدي بالزيتون و شلاظة و صافي”
