من خلال فقرة “مشاهير في الكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم،مع الممثل المغربي حسن بديدة و البداية من هنا
صوفيا العمالكي
بداية بيغينا نعروفوا واش كتعاون مرآتك خلال الحجر الصحي في الكوزينة؟
أنا بعدا انسان كسول جدا فالكوزينة مكانعرف لا نطيب لا نغسل الماعن لا نتسخر تا السخرة هي اللخرة مكانعرفش نتسخرها و ملي كانبغي كاع ندخل كانبقى نقول لمدام فيناهيا و فين جات تا كانطلع ليها الدم و تجي تجبدها ليا
اليوم اشنو طيبتي او اش درتي؟
اه هو راه دخلت ولكن غي باش نبدل البوطة صافي هي لي كانعرف بلاصتها فين جات فالكوزينة و كانهنيهم فالتركاب ديالها
اشنو الشهيوة لي كتتقن تطيبها في رمضان؟
الشهيوة لي كاتعجبني و مكاتخطانيش فرمضان هي السردين شريكات بالشرمولة شي طبسيل د السردين دايزو الكلام لي كاتصاوبو ليا المدام كيفما قلت انا انسان كسول
