من خلال فقرة “مشاهير فالكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم،مع لاعب الرجاء البيضاوي أيوب ناناح و البداية من هنا
صوفيا العمالكي
بغينا نعروفوا واش كتعاون مع مرآتك في الكوزينة خلال فترة الحجر الصحي؟
“في الحقيقة، كانعاون مراتي شوية ماشي بزاف ولكن كانقابل ولدي و كانلعب معاه و كانعمر ليه وقتو بحكم اننا حنا اللاعبين كانكونو غايبين بزاف هادي فرصة أنني نجلس فالدار معاه”
إلا سولناك على اليوم (سابع رمضان) اشنو طيبتي، أش غاد يكون الجواب ديالك؟
“في الصراحة هو أنا مطيبتش حاجة محددة ولكن أنا كاندخل للكوزينة و كانعرف نطيب لأنني فالمرحلة الأولى من الحياة ديالي كنت بوحدي و تما تعلمت شحال من حاجة بحكم أنني كنت عايش فمدينة الجديدة تما اكتسبت تجربة كبيرة فالطبخ و دابا من مورى الزواج صحيح أن المدام كاتكلف بكولشي ولكن ضروري نذخل نشوف اشنو كاين و لا تشهيت شي حاجة كانقادها”.
اشنو الشهيوة لي كتتقن طيبها في رمضان؟
“الحاجة لي كاتعجبني و كانطيبها هي ليباط أي المعجنات بجميع أشكالهم و كانحاول نطيبهم مورى الفطور بحكم كاتكون عندنا حصص تدريبية في المنزل و كاتكون شاقة هما لي صحيين و كانقدر نعوض بيهم”.
