*محمد حجي
المغرب التطواني الفريق اللي ملي عرفناه فالثمانينات و هوما كيتناوبوا عليه تجار الممنوعات وكان كيلعب عام فالبريميرا و ينزل للسيكوندا يخيم فيها خمس سنين عاد يولي يطلع ..
طالع هابط لمدة عقود من الزمن كان فيها رأس مال النادي هوما التونيات اللي كيلبسوااللعابا .. حتى جا عبد المالك أبرون و اولادو و دارو ثورة في مسار النادي و هيكلوه ماليا و تقنيا و إداريا و نقلوا تجارب أندية أوربية و ولات عندو سياسة كروية واضحة توجت بالفوز بلقب البطولة مرتين والمشاركة في كأس العالم للأندية .. و ولات المغرب التطواني ناد محترم يُضرب له ألف حساب .
هاذ الشي اللي تحقق نساواه بزاف ديال الناس فتطوان و ناضوا قالا أبرون “شفار كيبيع و يشري بالمغرب التطواني” و ولادو باغين يوصلوا للبرلمان على ظهر النادي و بلابلابلابلابلا .
السيد جمع ولادو و قالهم السلام عليكم ها الفرقة ديالكم و الله يعاونا و يعاونكم ..
من موراه شدوها الصناطحية و بقاو كيخربقوا فيها ويشعتروا فالفلوس على السماسرية دلاعابة حتى هبطوها للسيكوندو اليوم.
*مدون رياضي
