من خلال فقرة “مشاهير فالكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم مع الممثل حسن العليوي المعروف ب “الطاق أمارش” و البداية من هنا
صوفيا العمالكي
بداية بغينا نعرفو واش كتعاون مرآتك خلال الحجر الصحي في الكوزينة؟
“ضروري كانعاون مراتي فهاد الحجر الصحي و خصوصا فالعشا صحيح فالفطور مرة مرة ولكن العشا دائما كانطيب شي شهيوة خصوصا أنه مكاين مايدار اللهم نديرو معاها يد الله و مع عندنا بنية صعيب عليها تقابل البنت و تقابل الدار داكشي علاش العوين مزيان”
مثلا اليوم اشنو طيبتي او اش درتي؟
“ليوم من بعد ما المدام عجنات الخبز و كرصاتو أنا لي طيبتو فالفران إوا و قاديت أتاي مشحر لي هو ما بين الضروريات و فالدار عندنا أتاي من التخصص ديالي لأنه عندو طقوس خاصة”
اشنو الشهيوة لي كتتقن تطيبها في رمضان؟
“الشهيوات لي كانتقن بطبيعة الحال الطويجين على حقو و طريقو و الخبز د الدار تاهو و كانقاد الكيكة بالمساعدة د الزوجة ديالي”
