من خلال فقرة “مشاهير في الكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم مع الممثل المقتدر ياسين أحجام والبداية من هنا
صوفيا العمالكي
بداية بغينا نعرفو واش كتعاون مرآتك خلال الحجر الصحي في الكوزينة؟
فهاد الفترة ديال الحجر الصحي كانحاول منخرجش نهائيا من الدار و طبعا كانعاون الزوجة ديالي فأشغال البيت و خاصة المسائل المتعلقة بالأمور المعيشية ديال التغدية أنا لي كانتكلف بيها
مثلا اليوم اشنو طيبتي او اش درتي؟
كانحاول وقت الفطور نصاوب بعض العصائر لي كايعجبوني و لا نصاوب السلاطات واخا أنا ماشي متمكن بزاف من المطبخ ولكن كانحاول على قدر الإستطاعة
اشنو الشهيوة لي كتتقن تطيبها في رمضان؟
الشهيوة لي كاتعجبني هي السمك مع الفطور أكيد ماشي كل نهار و لكن حينما تتوفر الظروف كانعتامد على الزوجة ديالي أكثر فالطبخ ديال السمك
