من خلال فقرة “مشاهير في الكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم، مع الصحفي و الخبير في التواصل السياسي، خالد أدنون و البداية من هنا
صوفيا العمالكي
بداية بغينا نعرفو واش كتعاون مرآتك خلال الحجر الصحي في الكوزينة؟
” أساس كل أسرة ناجحة هو الاحترام المتبادل ونتقاسمو المهام والعمل سواء داخل البيت وخارجه أما أنا فهاد الحجر الصحي فبالاضافة إلى أعمالي المهنية، حرصت على مواكبة بناتي في الدراسة ومرافقتهم دراسيا واجتماعيا باش استاوعبو المرحلة اللي كاندوزو منها، و بالإضافة لهادشي كانخرج نتقدى و نجيب أي حاجة خاصة فالدار و كانعتامد فهاد العملية على ورقة كايقادوها لي بناتي و مراتي، بخصوص المطبخ فأنا جد حريص على المساعدة من ديما كاندخل الكوزينة و كانطيب و كانغسل الماعن و كانقاد الخضر و الفواكه “.
مثلا اليوم اشنو طيبتي او اش درتي؟
“اليوم ملي فقت مشيت لواحد السوق ممتاز حدى الدار و تقديت داكشي لي خاص خديت الثمر و الخبز كذالك و من بعد ملي جيت عاونت فشي شغل ديال الدار و درت مع بناتي التمارين ديالهم و حددنا البرنامج الترفيهي لعطلة نهاية الأسبوع. هذا بالإضافة لإعداد العصائر ، اليوم عصير البطيخ، والمقبالات المغربية”.
اشنو الشهيوة لي كتتقن تطيبها في رمضان؟
“في رمضان كايعجبني المقبلات المغربية والطاجين الأمازيغي و الحوت ، وأحب كثيرا الرفيسة لكن للأسف لا أتقنها والحمد لله أن هناك زوجتي أمينة تتقنها وتتقن الحلويات الفاسية ووالدتي الحاجة السعدية التي تتقن الرفيسة التقليدية بالحرشة المعروفة لدى قبائل زمور بالخميسات”.
