هم شخصيات من عالم السياسة والمال والأعمال، ومشاهير ونجوم في ميادين الرياضة والفن والثقافة، منهم من تواصلنا معه وتقاسمنا انشغالات واهتمامات وأجرينا حوارات، ومنهم من لم تسمح ظروف الواقع بالاستضافة واللقاء.
لكن هاهي الأيام تدور دورتها ويعود معها شهر رمضان الكريم حيث تتغير الأجواء والعادات لنغير نحن أيضا أسلوب التواصل والحوار مع كل هؤلاء الذين عرفناهم أو لم نعرفهم وننتقل وإياهم في هاته الحلاقات التي تنشرها الجريدة الالكترونية LE12.MA ، خلال الشهر الفضيل، إلى عوالم بعيدة عن الواقع قريبة من الخيال ..
إيوا وسعي قشابتك آ دينا ومرحبا بك في هذا الحوار الافتراضي .. ونقول للجمهور العريض لي كيتبعك، أن كل علاقة بين الواقع والخيال راه من محض الصدفة، الله يسمح لينا.
مصطفى قسيوي
– ألو ، دنيا باطمة هاذي؟
* نعم هي هاذي، شكون معايا الله يخليك
– أنا صحافي إلا كان شي وقت مناسب نجريو معك شي حوار للجريدة ؟
* واهيا ناري ناري ، انتوما مزال ما بغيتو طلقوا مني ، سير أوليدي دبر على ما تقضي سير
– كيف دبرتي عليها أنت نيت …؟
* أه .. عاود عاود شنو قلتي ..
– لا .. لا .. قلت غير إلا ما كنتيش مستعدة دابا نعاود نتاصل بيك مرة أخرى ؟
* ما تعاود تاصل بي أسيدي ما نتاصل بيك .. فرقوني ..فوتيني عليكم؟
– شكون حنا .. أنا غير واحد لي تنهدر معك دابا ؟
* كولكم ما مزيانينش نسيتو شنو درتو فيا ولا نفكرك …
– آه في القضية المعلومة .. لا لا كوني هانية أنا بالنسبة لي أنت لحد الآن بريئة ..؟
* إيوا ها أنت دابا هدرتي مزيان .. دابا شنو بغيتي وطلقني خلاص معنديش الوقت باغيا نمشي نصيب نشوف راسي .. من كثرة ما شحفوني شي صوحافيين ما بقيت ديتها في راسي بقيت مشغولة غي مع الأنستغرام تنعطي لبنادم العاصير.
– ههه .. والله حتى شهيتيني في شي عصير وحنا صايمين حشومة عليك ….مهم منطولش عليك عندي ثلاثة أسئلة ونخليك تمشي أ دنيا.
– على أي نبداو حوارنا على السلامة..؟
* هههههه السلاما السلاااااااما ياااااا موللااااااااانا
– وجبتيها نيت بحال العربي الله يرحمو …آجي كون كان مازال عايش وسمع بالقضية شنو كان غادي يدير في نظرك .. وإلا جات على خاطرك قولي لي جوابو بموال غيواني ؟
– شوف آه باش نكونوا مفاهمين هو راه ما كاين حتى قضية ، ولكن ملي أنت ظريف واعتبرتيني بريئة غادا نقول ليك شنو كان غادي يقول ليا با عروب الله يجدد عليه الرحمات.
– يالله سمعيني هذاك صويت نشوف ..؟
* وااااوووواااو ووتعااالي وتعاااالي نعيد ليك ما جاري ..
– صافي صافي أنا نكمل ليك …. ياااا وأنت آآآآش داك لذاكشي يا بنييتي … آواوووو.
* وعندك مع تودويد حتى أنت ..آجي تقدر تجي تخدم معايا تعاوني على العصير
– لا ..لا أختي أنا برييء .. أنا جاوبيني غي على هذ السؤال ونمشي لخدمتي .. ما تتفكريش تعتازلي ؟
– تنفكر فيها ولكن ماشي دابا
* وحتى لين حتى تولي قد الحاجة الحمداوية في أياماتها
– فكرتيني فيها الله يفكرك في الشهادة غي نترحموا عليها في هذ لعواشر ، لعل وعسى تنفعنا براكتها
– حتى انا فكرتيني في واحد الحاجة .. كيفاش قوالبوا هذاك سيمو بلبشير؟
* حشمت نجاوبك سير الله يعطيك غير لمسخ
– صافي أنا غادي وخا غادي يبقا ضارني راسي على شكون غادي يكون هذاك حمزة مون بيبي .
* عاوتاني رجعتي للموضوع ..سير أنا بغيت ليك غير السالمة
– إيوا لواه لالة دنيا بلا معيار راني غي حشمت رمضان هذا والله حتى نخرج ليك من التيلفون ولي بغا يوقع يوقع وخا يجري علي المدير من الخدمة .
* شنو بغيتي دير كاع ..يالله حربربش خرج عندي …
– لا غادي غي نجي نشرب معك شي عاصير مورا لفطور ونقول ليك سمحي لي راني كنت غي تنضحك معاك شوي .
*تعليق المحرر: بالصحة فطوركم الفنانة دنيا باطما وجمهورهاوزوار موقع LE12.MA
