كشف الفنان المصري أحمد فهمي عن تفاصيل مثيرة من حياته الشخصية والتحديات التي واجهها في بداية شبابه، و ذلك خلال استضافته في برنامج “كلام نواعم“.
و شارك الفنان أحمد فهمي جمهوره لأول مرة تفاصيل خضوعه لعملية جراحية دقيقة على مستوى القلب و قال : “عملت التحاليل رجعت له قالي أنت عندك حاجة في القلب قلت له إزاي المفروض أحس بأعراض، قالي محتاجين نكشف، كشفت في حاجة اسمها الصمام الميترالي عندي فيه قطع بسبب العصبية، سافرت وعملت عملية قلب مفتوح في إنجلترا فجأة في اللحظة دي شوفت الحياة بمنظور مختلف تماما الدكتور وهو معايا دخلنا أوضة العمليات عشان يشرحلي قالي السرير دا أنت ممكن بعد ساعتين تقوم وممكن لأ بيتكلم عادي أنا مأخدتش الكلمة أنها حاجة وحشة وأخدتها بطريقة إيجابية بس من اللحظة دي بقيت بشوف الحياة بمنظور مخالف وأن الواحد بيلهث على أشياء ممكن تكون مش مهمة أوي”.
و حول حياته الأسرية ، أوضح فهمي أنه بعد وفاة والده كان لا يزال طالبًا في الكونسرفتوار ويحلم بالدراسة في الخارج، حيث قال :”من بعد وفاة أبويا أنا كنت لسه في الكونسرفتوارو كان عندي طموح إني أدرس برا عشان كنت بدرس موسيقى كلاسيكية، وجالي فرصة في أمريكا بس جيت في لحظة هسيب أمي وإخواتي إزاي، كان عندي 16 سنة”.
وتابع أحمد فهمي: “فكرة شيل المسئولية دي كانت موجودة، فكرة 5 بنات فالأب بتبقى مسئولية كبيرة فأنا في وقت معين لو أنا في المدرسة محتاجين كشكول للجغرافيا وكشكول للتاريخ كنت أقول لأبويا عايز واحد وأقسمه عشان أوفر له”.
وعلى الصعيد الفني، عُرض مؤخرًا للفنان أحمد فهمي مسلسل “نقطة سوده” المكون من 15 حلقة، حيث شارك في بطولته إلى جانب ناهد السباعي ونخبة من النجوم، منهم أحمد مجدي، نضال الشافعي، وفاء عامر، أحمد بدير، سماح أنور، أشرف عبد الغفور، ناهد رشدي، سارة سلامة، هدى الإتربي، وأحمد خالد صالح. المسلسل من تأليف ورشة كتابة بإشراف أمين جمال، وإخراج محمد أسامة.
