شارك الفنان المغربي ، رشيد الوالي مع متابعيه تجربته الشخصية مع عملية الإحصاء من خلال منشور شاركه عبر حسابه الرسمي “انستغرام”.
و حرص رشيد الوالي على تقاسم تجربته الإيجابية مع عملية الاحصاء العام للسكان الذي يشهده المغرب منذ 01 من سبتمبر حتى 30 من نفس الشهر، و كتب “بعد المرات كنشك واش فعلا وسائل التواصل كتساهم فالتوعية ولا كتزيد فنشر الإشاعة فقط، الإحصاء عملية طبيعية وعادية وبسيطة، زارني شاب بالأمس ومسكين مقبل لا شاي ولا قهوة خاف يضيع وقتي وكان محرج وهذا جعلني مقصر فحقو ..”.
وتابع الوالي : “طرح عليا أسئلة بحال شحال بيكم شحال من عائلة ساكنين معاك، واش ولادك فالخارج السن ديالك والزوجة ديالك واش مات شي واحد فهاذ السنة… وسالا المهمة ديالو ماقال ليا لا شحال كتشد ولا كتصرف ولا كتعطي ولا الضريبة ولا أي حاجة أخرى” .
وأضاف قائلا :“الأمر بسيط باش نسهلو على بلادنا تعرف شحال حنا والباقي شغلها هذاك …حنا قبل منديرو عرس ولا حفلة كنقيدو الناس اللي معروضين باش نعرفو شحال من طبلة خاصنا، وهادي دولة كنصعبو عليها الخدمة ….طبعا ساهل النقذ والشكوى والتحطيم والتبخيس ولكن اللي لازمو يكون هو اللي غادي يكون ….”.
و اختتم الوالي حديثه بالقول : “من رأيي نسهلوا على الشباب والشابات المأمورية ديالهم وحشومة نهينوهم ولا نسدو فوجههم الباب وهوما ولادنا وكيمارسو خدمتهم، وخمسة أو ستة ديال الدقايق كافية ..هذا واجب …طبعا اللي فاهمين هاد الشي كثار الحمد لله، والله يعاون الجميع.
