إنقسم رواد مواقع التواصل الاجتماعي في المغرب، بين مؤيد ومعارض لتصريحات صانعة المحتوى هند مسعد حول التعدد والصداق والزواج وعلاقة الزوج بالزوجة.
وكانت هند مسعد، قد قالت في بودكاست حواري حول مؤسسة الزواج في المغرب: “المرأة إيلا تزوجات خاص راجلها يفورماطيها و يعاود ليها التربية”.
وتعتقد مسعد أن، المرأة فحال التمرة مسح و كول، إلى لقيتيها فدار باها باغا الصداق و هادي و هادي و شحال من حاجة قبلها كيما هي و وفر ليها داكشي اللي بغات». على حد قولها،
وأضافت ، «إلى ماعجبكش هادشي تا تجيبها لدارك و عاود ليها التربية فورماطيها، المرأة راه كاتفورماطا، على حسب تعاملك و الرحمة ديالك كاتخليها تبدل”.
وقالت مسعد، «كنتأسف كنتأسف بزاف للمرأة لي كتعتبر مشروع زواجها هو مشروع حياتها ».
وصرحت، «أنا طلبت 200 درهم في صداق والعدول هو لي قالي من أحسن نكتبوا 500 درهم، وآخر همي كان هو الصداق والعرس».
وتابعت، « الأب ديالي نهار بغى يزوجنا أنا والأخت ديالي، قال ما عنديشي البقر لي نبقى نتزايد فيهم فالثمن، أنا عندي أهم حاجة هو لي يزوج ببنتي يخاف فيها الله تعالى».
وأضافت، «أنا مع التعدد وقابلة بالتعدد حيت هو شرع ربي وما من حق تا واحد يمنعوا».
وخلصت إلى القول، «الفكر النسوي خرج على نسا والرضى ديال الزوج هو مفتاح الجنة».
وإنقسم رواد مواقع التواصل الاجتماعي في المغرب، بين مؤيد ومعارض لتصريحات صانعة المحتوى هند مسعد.
وجاء في أحد التعاليق، «شابة جميلة مثقفة نسفت مخطط “النسو|| يات” على مدى سنوات في فيديو واحد فقط ».
وردت فتاة تدعى هاجر على هند قائلة:«بعدا ديري الحجاب لي هو فرض عاد طبقي التعدد لي هو سنة».
وكتب آخر معقبا، « سمحليا الأخ على التدخل ولكن من هادشي كامل التعدد شرع الله والحجاب راه فرض كاين فرق شاسع والتعدد راه لي عندو القدرة وبشروط تاعو ماشي غير اجي وعدد السلام عليكم ورحمة الله وبركاته».
وعلقت شابة تدعى سهيلة: «اتفق فكولشي إلا التعدد».
