ضجت مواقع التواصل الاجتماعي خلال الساعات الأخيرة ، بتصريحات جديدة للفنانة المصرية شيرين عبد الوهاب ضد طليقها الفنان حسام حبيب ، و ذلك بعد اتهامها له بالتهديد و سرقة مجوهراتها.
و وجهت شيرين نداء استغاثة لجمهورها خلال تصريحاتها لموقع تلجراف المصري ، قائلة :”أنا بستغيث من الناس بصفي أم لدي ابنتان أريد أن أفك رقابتهم من حسام حبيب“.
و أضافت شيرين :“أنا حولت حسام حبيب مبلغ قدره 10 ملايين جنيه وقضيت الفترة الماضية من حياتها بين البكاء والخوف، وحسام واخد مني عربية رانج روفر ماركة 2008 باعها وكمان ساعتين روليكس، وكسر الخزنة بتاعتي اللي كانت في شقة في كومبوند، وطلّع منها التنازلات الخاصة بقضية شركة روتانا حتى دهبي كله خده مني”.
و بدور رد الفنان حسام حبيب على الهجوم الذي شنته عليه طليقته السابقة شيرين عبد الوهاب من خلال تصريحات لموقع “ايتي” قائلا : “طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي”.
و أضاف طليق شيرين : “شيرين عبد الوهاب دمها بقا تقيل والمرة دي بجد هحبسها، وهي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض، وأنا مبردش عليها، عشان انا رافض نرجع تاني بعد كل اللي حصل أخر مرة لما الأمر وصل للنيابة والحوار كبر، وفي الأخر عشان أنا زهقت عملتلها بلوك”.
و تابع حسام حبيب قائلا :” أرجع، وأنا اللي في سجن وعايز أتحرر منه، أنا اللي تعبت وأستحملت إهانات بقالى سنين على حاجات محصلتش، وعمري ما أشتكيت ولا أتكلمت ولا دفعت عن نفسي عشان ميطلعش شكلها وحش، بس خلاص كدا أنا فاض بيا، وكل حاجة هتتقال للناس زي ماحصلت بظبط، أنا عمري ماطلعت أسرار حد برا ولا عمري ماكنت هعمل كدا”.
