بكلمات مؤثرة ، كشفت الفنانة المغربية دعاء اليحياوي عن سبب بكائها بكواليس أغنيتها “بضاض” ، و ذلك خلال تصويرها لإحدى المشاهد التي جمعتها بالممثلة زهيرة صديق، و التي جسدت دور الأم في كليبها الجديد .
ونشرت دعاء اليحياوي مجموعة من الصور لها مع زهيرة صديق عبر منصة “انستغرام” ، وعلقت عليها قائلة : “أول شخص جاني فبالي أنه يجسد دور الأم ديالي ( المتوفية ) فل فيديو كليب كان هو الممثلة القديرة والصديقة الغالية زهيرة صديق، علما أنها للمرة الثالثة على التوالي الفنانة زهيرة كتجسد دور الأم ديالي فل الأعمال الفنية.
وأضافت : “ماشي من طبعي اني نتكلم فهاد الموضوع، و من ديما كنبغي نشارك معكم غير الحاجات الإجابية و الزوينة، هاد المشهد بضبط كان صعيب عليا بزاف، اه بكيت فيه من قلبي لأنه من ديما كنتفكر هاد النهار لي جاي واحد نهار و لي غادي نكون فيه عروسة بلا ماتشوفني ماما و لا توقف معيا توجد معيا لعرسي تفرح بيا وتشوف بنتها عروسة” .
Voir cette publication sur Instagram
“>
وتابعت : “الحمد لله تحرمت من كلمت ماما و تحرمت من أجمل حاجة فدنيا لي هي الام، و لكن كنأمن بقوة انه الام ديالي فبلاصة زوينة بزاف و اهم حاجة هي فخورة بيا ،لأي شخص يتيم الام بحالي كنبغي نقولكم ربي معنا ماشي ساهلة، و لأي شخص الام ديالو عايشة تهلاو فيها حيت الأم أعظم كنز فالدنيا”.
و حرصت دعاء اليحياوي على توجيه الشكر لوالدها ،و كتبت: “شكرا بابا لأنك كنتي معيا فهاد المشهد و درتي اي حاجة باش منحسش بنقص، شكرا الفنانة الغالية زهيرة صديق انك خليتيني نعاود نعيش شوية احساس عندي ماما مرة خرة ، و دموعك غالين .. شكرا للفريق ديالى على الحب و الطاقة الإجابية لي عطيتوني باش نصور هاد المشهد، الله يرحمك ماما ماريا وجميع أموات المسلمين يارب، و الحمد الله”.
