فاجئ النجم وائل جسار جمهوره برد فعل زوجته ميراي مقدسي، بعد سماعها لاعترافات الفنانة أسماء جلال ، حول حبها الكبير له و ذلك خلال حلولها ضيفة ببرنامج ” مع منى الشاذلي”.
وكشف وائل جسار في مداخلة هاتفية ببرنامج “تفاصيل” مع الاعلامية نهال ، عن رأي زوجته في الموضوع قائلا: “من باب المزاح قالتلي البنت حلوة خلاص مفيش مشاكل تجيبها ضرة عادي”.
وأضاف وائل جسار: “قلت لها أنا عندي إنتي بالدنيا كلها، هي متفهمة أن جوزها فنان وليه معجبات وعندها ثقة فيا وفي نفسها وإني اخترتها من بين ملايين البنات
وحول التصريحات الجريئة للفنانة أسماء جلال، علق وائل جسار: “أسماء جلال اتكلمت بعفوية لا مثيل لها هي تلقائية، وقالت إن وقتها كانت صغيرة، صراحة أنا مش فاكر الموقف اللي حصل، لكن أنا عايز أشكرها من كل قلبي على حبها ليا ولأعمالي الفنية وبتمنى لها كل خير ويارب دايما تبهرنا بأعمالها، هي هتبقى نجمة كبيرة، وربنا يوفقها في حياتها وتستاهل كل خير”.
و استرسل قائلا: “فوجئت بالكلام وهي قالت مع منى الشاذلي ياريت ميعرفش الكلام ده، لكن بالعكس أنا حبيت ثقتها بنفسها وإنها بتواجه وتقول كل حاجة حاسه بيها وبقلبها وقليل جدا اللي بيكون كده”.
و يشار أن الفنانة أسماء جلال كشفت خلال حلولها ضيفة مع الاعلامية منى الشاذلي عن مدى حبها و تعلقها بالفنان وائل جسار ، قائلة : “بحبه جدا.. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها”.
تابعت أسماء جلال : “بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه، وكنت ألبس فستان حتى لو الناس حواليا لابسة عادي عشان يشوفني، مع إنه متجوز .. فمش فاهمة أنا كنت بعمل ايه”.
و اختتمت حديثها بالقول: “طبعا ولا أخد باله مني خالص لحد ما في مرة أعتقد خاف مني وقتها، لأن روحت له كنت عاوزة أتصور معاه، فقلت له عارف إننا هنتجوز؟ قالي والله!!.. كنت صغيرة والله العظيم وقتها يا جماعة.. لسه بحبه بس مش بعمل زي زمان، وربنا يبارك له في مراته وولاده”.
