أعلن إسماعيل الحداد لاعب فريق الوداد الرياضي، اليوم الثلاثاء، عن نهاية رحلته رفقة الفريق الأحمر بنهاية الموسم الكروي المنصرم.
ووفقا لتدوينة نشرها الحداد عبر حسابه الشخصي على “انستغرام”، قائلا: “لكل بداية نهاية.. هاد الموسم كان هو الأخير ليا مع الوداد. رجعت للفريق في ظروف صعبة، وكان الأمل ديالي كبير نقدم كل ما في جهدي باش نساعد الفريق ديالي، لكن للأسف عشنا موسم استثنائي وصعيب بزاف ميمكنش ندخل في تفاصيل”.
وأضاف: “أولا كنعتادر للجمهور الودادي العريض، أنا أول واحد من يتحمل المسؤولية لأننا مافرحناهومش هاد العام، كيفما تعود على الوداد في العشر سنين الأخيرة. كنبغي نودع العائلة الودادية، لأن هذا موسمي الأخير مع هاد النادي العظيم، ومن اليوم غادي نكون مشجع للنادي، كيفما كنت دائما”.
وتابع قوله: “قوة الوداد في الاتحاد ديالو، وفي التلاحم في الظروف الصعبة قبل المزيانة، وبتظافر الجهود ديال كل المكونات غادا ترجع الوداد قوية ومخيفة في الداخل كيما في الخارج”.
وفي السياق ذاته، قال: “باش نلعب للوداد هذا كان حلم، والحمد لله تحقق ليا، وباش نفوز مع النادي ديالي بالألقاب وبالبطولات وبعصبة الأبطال، هذا كان الحلم الأكبر وتحقق والحمد لله..”.
وختم قوله: “شكرا لكل اللاعبين اللي لعبت معاهم، لكل المدربين اللي دربوني، وساعدوني في المشوار ديالي، شكرا للطاقم الطبي على الإحترافية والإحترام شكرا لكل المسيرين وفي مقدمتهم الأب الروحي سعيد الناصري الله يفك سراحو..
شكرا لجمهور الوداد الكبير، أحسن جمهور في العالم، على الدعم وعلى الحب ديالكم..
شكرا للوينيرز الدرع الحصين للوداد، واللي مازال الصدى ديال التشجيع ديالهم وصوتهم المرعب في المدرجات كيتردد.. ديما ديما وداد”.
