أثارت الفنانة المصرية، شيرين عبد الوهاب، جدلا واسعا بتصريحات نارية، بخصوص أزمتها مع طليقها حسام حبيب، بعدما فضحت المستور وكشفت تفاصيل صادمة عن علاقتهما الزوجية.
وكشفت شرين عبر مداخلة هاتفية في برنامج “كلمة أخيرة” مع الإعلامية لميس الحديدى:”حسام حبيب طلب 10% من أرباح شغلى.. أنا اتجوز قرد ومارجعش ليه تانى.. ومش عايزة أعرف حد اسمه حسام تانى”.
وقالت الفنانة المصرية:”أنا أسفة للناس عشان كدبت عليكوا، و طلعت قلت ما بيخدش منى فلوس، هتعب عشان أرجع تانى شيرين اللى ضيعتها.. وعلاقتى بحسام عمرها ما كانت حب”، مضيفة، “حبِّتُه عقربة أنا في حياتي عمري ما تأذيت بالشكل ده غير منه.. إنسان بيغتاب كل الناس، أطالب الشعب المصري والجمهور العربي، أي حد يشوف الإنسان دا يتبول عليه”.
وتابعت، “كنت بجمل صورته وكذبت كتير، أنا عاوزة أستغفر ربنا على كذبي بشأنه طيلة الفترة السابقة، وعربيتي المرسيدس كانت باسمه، واتسرقت وإحنا في الساحل الشمالي وعاوز يعملي محضر يتهمني بسرقتها.”
ووجهت الفنانة المصرية رسالة قاسية لطليقها قائلة: ”فوق يا ابني واعرف أنت بتكلم مين.. أنا من القلعة.. دا أنا أتجوز الفيل أبو زلُّومة أو القرد اللي في جنينة الحيوانات ولا أرجع له تاني”.
و أضافت :”عيالي في آخر يوم كانوا هيتضربوا بالرصاص، وكنا قاعدين في الأوضة بتاعت الاستوديو، فماسك العلبة اللي فيها رصاص وراح مديني رصاصة و بيهددني”.
