كازا- ن.ح
سارعت “الكورفا سود” و “الكورفا نور” الممثلة لإلتراس مشجعي فريقي الوداد والرجاء، اليوم الأربعاء، إلى إصدار بلاغ مشترك، يروم لإحتواء تنامي العنف المتبادل بين أتباع الفصيلين، والذي كان وراء عدة توقيفات أمنية.
وذكر البلاغ السابقة الذي توصلت جريدة le12.ma. بنسخة منه، “من ديما كانتغناوا بلي الحركية كانت هي المتنفس و هي لي كاتخلينا نعيشوا الشغف ديالنا بما يرضي الله. إلا أننا مؤخرا ولينا كانشوفوا أحداث لا علاقة ليها بالحركية ولات عوض أنها تحيينا كاتقتلنا، أحداث لي أي عضو أولترا مايمكنش يقبل بيها و مايمكنش يسمح ليها تولي جزء من الموفمون لي كانعيشوه. حيث الموفمون أكبر و أنقى من أنه يتوسخ بتصرفات بحال هادي و يتلطخ بدماء العقاب ديالها قدام الخالق صعيب نتصوروه”.
وتابع البلاغ: “قلنا و مازال غا نقولوا بلي المنافسة خصها تبقى فالتيران، بلي المنافسة خصها تكون شريفة حيث هاداك هو السبيل الوحيد باش نحافظوا على حركية نقية، باش نعيشوا شغف بلا شغب، باش الوالدين يبقاو هانيين على اولادهم و باش الدم يبقى كايجري فالعروق عوض يسيل من الجرح.. و ماشي كاع الجروح كايتخيطوا”.
وأضاف: “حنا كلنا ملزومين باش نتاقيو الله فبعضياتنا و فريوسنا و والدينا. الغروبات حاولوا و مازال كايحاولوا يديروا قطيعة مع أعمال الشغب لي كاتجرنا لحوايج تا واحد فينا ما باغيها، و لكن كل مرة كانلقاو بلي لي درناه ماكافيش”.
وخلص البلاغ المشترك بين “الكورفا سود” الودادية و “الكورفا نور” الرجاوية، الى القول: “هادشي علاش هاد المرة خصنا نكونوا أكثر صرامة و أكثر مسؤولية من قبل و نلتزموا التزام حقيقي بالقرارات لي غادي نخرجوا بيها فالمستقبل القريب” .
كما أكد أصحاب البلاغ المشترك: “خَص الأعضاء من جهتهم كذلك يثبتوا بلي أحداث الشغب ما هي إلا استثناء و ماشي قاعدة فالحياة ديال المومبر و التعبير ديالهم على الانتماء للغروب مايكونش بالبرودويات فقط و يكون بتطبيق الأمور لي غانتفقوا عليها الا كنا بصح بغينا نكونوا فأجواء لي تنقي و تخلينا نعيشوا الموفمون أولترا ماشي يقتلنا موفمون ماعرفناه شنو هو”. “حركية نقية، شغف بلا شغب”.
