من خلال فقرة “مشاهير في الكوزينة”، نقدم لكم قراء ومتتبعي جريدتي “خميسة.ما”، و “le12.ma” عربية، خلال الشهر الفضيل الوجه الآخر لمشاهير من شتى المجالات، و علاقتهم مع المطبخ خاصة خلال شهر رمضان الكريم الذي يتطلب تعاون الزوج والزوجة في تحمل أعباء “الكوزينة”.
حلقة اليوم مع الإعلامي السابق والممثل المغربي عادل بلحجام
*بداية بغينا نعروفوا واش كتعاون مراتك أو عائلتك في الكوزينة في رمضان؟
أنا غير متزوج.. عاش وحدي عليها تندخل للكوزينة دائما تنوجد ماكلة دياللي وتنصايب ما أحتاجه للأكل، بشكل طبيعي وعادي..
*إلا سولناك أشنو تتوجدوا لطبلة رمضان، أش غادي يكون الجواب ديالك؟
اليوم أنا درت الروز مصلوق لأنه ضروري يكون بشكل يومي في هذا رمضان.. وضروري “Cordon Bleu” وعصير وشلادة.. أما شي الأخر معنديش معاه وحتى الحريرو معنديش معاها..
*اشنو الشهيوة لي كتقن تطيبها في رمضان؟
أنا تنعرف نطيب كلشي.. خاصة الأطباق الأوروبية كل حاجة تتعجبني تنصايبها.. أما الأكل المغربي تناكلوا في الزنقة أو عند الواليدة ملي تنسافر عندها..
*أشنو تقول للمغاربة في هذا رمضان؟
بغيت نقول للمغاربة الله يكمل لينا هذه الأيام لي بقات بالخير.. والله يجعلو مغفرة للذنوب وعتق من النار.. والله ينفعنا ببراكتو.. وعواشكركم
حاورته: مها الدرعي (صحفية متدربة)
