من خلال فقرة “مشاهير في الكوزينة”، نقدم لكم قراء ومتتبعي جريدتي “خميسة.ما”، و “le12.ma” عربية، خلال الشهر الفضيل الوجه الآخر لمشاهير من شتى المجالات، وعلاقتهم مع المطبخ خاصة خلال شهر رمضان الكريم  الذي يتطلب تعاون الزوج والزوجة في تحمل أعباء “الكوزينة”.

حلقة اليوم مع الفائز بمسابقة ستوديو دوزيم موسم 2005 المطرب المغربي حاتم عممر

حاوره: المصطفى الحروشي

*بداية بغينا نعروفوا واش كتعاون مرآتك في الكوزينة في رمضان؟

بصراحة لا معنديش مع الكوزينة.. لكن تنتسخر وتنتقدا من على برا و تنعاون مرة مرة في شغالات الدار أما الكوزينة أنا سيئ فيها.. 

*إلا سولناك أشنو تتوجدوا لطبلة رمضان، أش غادي يكون الجواب ديالك؟

الحريرة والبريوات والبغرير وأتاي ضروري يكونوا في الطابلة.. زيادة على الشهيواة لي تتوجد مراتي.. وعاد الحليب والتمر والعصير.. مهم معنديش مع التغماس..

*اشنو الشهيوة لي كنعرف طيبها بها في رمضان؟ 

كيف قلت ليك من قبل أنا سيء في الكوزينة لكن تنعرف نطيب البيض بالخليع وتنعرف نصايب أتاي واخا مشي أكلة.. 

*أشنو تقول للمغاربة في هذا رمضان؟

بغيت نقول للمغاربة رمضان مبارك سعيد وعيد مبارك سعيد.. وتنطلب من الله يحفظهم ويبعد علينا هذا الوباء.. وانتم الله يوفقكم وأتمنى لكم مسيرة موفقة..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *