من خلال فقرة “مشاهير في الكوزينة”، نقدم لك سيدتي متتبعة مجلتة خميسة.ما، ومتتبعي جريدة “le12.ma” عربية، خلال الشهر الفضيل الوجه الآخر لمشاهير من شتى المجالات، وعلاقتهم مع المطبخ خاصة خلال شهر رمضان الكريم الذي يتطلب تعاون الزوج والزوجة في تحمل أعباء “الكوزينة”.
حلقة اليوم مع الممثل عزيز داداس:
*بداية بغينا نعرفوا واش كتعاون العائلة في الكوزينة في رمضان؟
“لا ما كانعاون حتى واحد في الكوزينة، كنطيب بوحدي ديما شي حاجة و إلى كان معايا شي واحد كندوخ ما كنبقى عارف ما ندير”.
*إلا سولناك اليوم أشنو وجدتي لطبلة رمضان، أش غادي يكون الجواب ديالك؟
“أنا ماشي وكال و عزيز عليا يكون “البغرير” في الطبلة، المهم كاع داكشي لي هو بلدي عندي معاه”.
*أشنو الشهيوة لي كتقن تطيبها في رمضان؟
“أنا كنموت على شي حاجة سميتها الحوت، وخصوصا الصول، تنعرف نشرمل الحوت ونقليه و عزيز عليا ندير الملوخية بزاف و كنعرف نطيبها مزيان، وما تنتعشاش في رمضان كيف بعض الأسر المغربية، تناكل في الفطور وتنبقى حتى السحور”.
حاورته: مها الدرعي (صحفية متدربة)