من خلال فقرة “مشاهير في الكوزينة”، نقدم لكم قراء ومتتبعي جريدتي خميسة.ما، و “le12.ma” عربية، خلال الشهر الفضيل الوجه الآخر لمشاهير من شتى المجالات، و علاقتهم مع المطبخ خاصة خلال شهر رمضان الكريم الذي يتطلب تعاون الزوج والزوجة في تحمل أعباء “الكوزينة” .
أولى الحلقات، مع الممثل و المخرج إدريس الروخ :
*بداية بغينا نعروفوا واش كتعاون مرآتك في الكوزينة في رمضان ؟
“بطبيعة الحال كنعاون مراتي أنا أصلا كنحماق نطيب شهيوات في الكوزينة، و كنعاونها ماشي غير في رمضان حتى من غير رمضان و كنعرف نطيب مزيان بزاف ديال الشهيوات”.
*إلا سولناك اليوم أشنو وجدتي لطبلة أول يوم رمضان، أش غادي يكون الجواب ديالك؟
“أكيد الحريرة الحامضة المعروفة عند جميع المغاربة، و سلو و لا الزميطة هاكدا كنقولوا ليه حنا المكناسيين، العصير، التمر الشباكية و شي حاجة ديال الحوت ضروري سواء بريوات معمرين ولا طاجين، و أنا ماشي من النوع ديال الناس لي كيجمعوا فطور رمضان مع لعشاء كنكتفي فقط بداكشي لي كليت وقت الفطور و مكنكترش فيه الماكلة بزاف وما كانكل عاود ثاني حتال السحور”.
*اشنو الشهيوة لي كتقن تطيبها في رمضان؟
“كنعرف نطيب مزيان مقيلات ديال الحوت و كنعرف نطيب أي حاجة ديال الحوت بالخصوص القيمرون و حتى الطاجن ديال الحوت و كباب مغدور حتى هو كنتقنوا المهم إكونوا شهيوات ساهلين إطيبوا و خفاف على المعدة و بنان”.
*حاورته: مها الدرعي(صحفية متدربة)
