من خلال فقرة “مشاهير في الكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم مع الممثل المقتدر عبد الرحيم المنياري و البداية من هنا
صوفيا العمالكي
بداية بغينا نعرفو واش كتعاون مرآتك خلال الحجر الصحي في الكوزينة؟
أكيد كانعاون الزوحة ديالي و هاد المسألة دائما ماشي عاد فالحجر و هادا أمر بالنسبة لي عادي لأن الحياة كاتبغي العوين بين الزوجين فكل المسائل المتعلقة بالبيت و هادا أمر جميل
مثلا اليوم اشنو طيبتي او اش درتي؟
اليوم صراحة مطيبتش و ماوجدت تا شي حاجة أنا ولكن الزوجة ديالي تكلفات لأنني أنا تكلفت بالسخرة برى ديال الدار و جبت شحال من حاجة كانت خاصة فالدار و تاهدا راه جزء من تقسيم المهام
اشنو الشهيوة لي كتتقن تطيبها في رمضان؟
أتاي المغربي الصحراوي لي على حقو طريقو هو الوحيد الذي لا يمكنني الإستغناء عليه بالحق إكون بقواعدو كانستهلكو بزاف فالايام العادية من مورى اي وجبة و دابا فرمضان فالفطور و فالليل
