من خلال فقرة “مشاهير في الكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم مع المطرب مراد بوريقي و البداية من هنا
صوفيا العمالكي
بداية بغينا نعرفو واش كتعاون مرآتك او الواليدة ديالك خلال الحجر الصحي في الكوزينة؟
” بحكم أنني ممزوجش كانعاون الواليدة ديالي غي فشي حاجة خفيفة فالكوزينة لأنني معنديش إلمام بالطياب ولكن كانعاون واخا ماشي بزاف كاندير معاهم إدي و صافي بداكشي لي قديت عليه”
مثلا اليوم اشنو طيبتي او اش درتي؟
“اليوم وجدت الطبلة و ما تبقى من الوقت خصصتو للعبادات لأنني فهاد الشهر بالذات كانركز على الجانب الروحي أكثر و كانحاول نركز على الصلاة و قراءة القرآن”
اشنو الشهيوة لي كتتقن تطيبها في رمضان؟
“كيفما قلت مكانطيبش ولكن الحريرة ضرورية تكون محطوطة واخا منشربوهاش ولكن غي نشوفوها كاينة و كل نهار و شنو كايكون صراحة مكاتكونش نفس الحاجة كل نهار”.
