من خلال فقرة “مشاهير في الكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم مع الممثل المغربي القدير البشير واكين و البداية من هنا
صوفيا العمالكي
بداية بغينا نعرفو واش كتعاون مرآتك خلال الحجر الصحي في الكوزينة؟
” فالأول ديال الحجر الصحي كان صعيب شوية إولف الإنسان أنه إبقى مسدود عليه فالدار و تولي عندو واحد البرمجة لي مكانش مولفها ولكن تطبعنا معاه و ولفناه، أكيد كانعاون الزوجة ديالي و كانقدم ليها يد المساعدة فالبيت”.
مثلا اليوم اشنو طيبتي او اش درتي؟
“عندي إلمام كبير بالطبخ المغربي و كانقاد الطويجنات و عندي كذالك إلمام بالطبخ الايطالي بحكم العيش ديالي فايطاليا لسنوات رغم أن الطبخ الإيطالي سهل و كايوجد ف ربع ساعة لا كثر بحكم أن كولشي واجد تاهو كايعجبني”
اشنو الشهيوة لي كتتقن تطيبها في رمضان؟
“كيفما سبق و قلت كانقاد الطويجينات و كانساعد الزوجة ديالي فباقي الأشياء لي هي كاتكلف بيها بحكم أن هاد السنة نقضي رمضان غي أناوياها بوحدنا كانتعاونو”.
