من خلال فقرة “مشاهير فالكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم،مع الممثل المغربي القدير كمال كاظمي المعروف بـ” حديدان”، و البداية من هنا.
صوفيا العمالكي
بغينا نعروفوا واش كتعاون مع مرآتك في الكوزينة خلال فترة الحجر الصحي؟
“في الحقيقة، أنك تعاون المرأة فالكوزينة هي مسألة عادية و خصها تكون ديما ماشي غي فالظروف الاستثنائية أنا بعدى معنديش مشكل نقدر ندخل للكوزينة يوميا و نقدر نعاون فأي حاجة و ندير أي حاجة بكامل الأريحية لهذا أنا بالحجر و لا بلاش أنا دائم التواجد و مستعد لتقديم يد المساعدة للزوجة ديالي فالمطبخ”.
إلا سولناك على اليوم ثامن رمضان اشنو طيبتي، أش غاد يكون الجواب ديالك؟
“أنا لي طيبت الفطور اليوم و تعاونت انا و مراتي و ولدي و حطيناه فالطبلة و بالخصوص هاد النهار أنا لي بغيت نتكلف و داكشي لي كان و تجمعنا كاملين في جو أسري”
اشنو الشهيوة لي كتتقن طيبها في رمضان؟
“عزيز عليا نصاوب الخرشوف و كانتفنن فيه مزيان كانطيب المرقة باللحم و الخرشوف دائما و كاتجي زوينة و هادي هي الشهيوة لي كاتعجبني و كانبغي نقادها باستمرار”.
