من خلال فقرة “مشاهير فالكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم،مع الفنان الشعبي حميد السرغيني، والبداية من هنا
صوفيا العمالكي
إلا بغينا نعروفوا واش كتعاون مع مرآتك في الكوزينة خلال فترة الحجر الصحي، أش تقول للجمهور ديال؟
“بالنسبة الكوزينة كانعاون غي شوية لانني لست ماهر فالطبخ ولكن كانقاد العصير و عاد الحجر وليت متخصص فالتعقيم ديال الخضر و الفواكة و كانغسل مرة مرة الماعن و كانوجد الطبلة و مرة مرة كزندير اللمسات الأخيرة على شي طويجين إكون زوين و كانقاد الأمليط و شلاظة تاهي كانعرف نقادها المهم التويشيات بحال دابا كانقاد البوركر المدام كاتحط ليا و أنا كاندير اللمسات الاخيرة”
إلا سولناك على اليوم اشنو طيبتي، أش غاد يكون الجواب ديالك؟
“كاندير الحوت كواري فالطاجين مع صلصة الطماطم كانشد السردين و كانطحنو و كاندير فيه شوية د الهريسة و شوية ديال الثومة لأننا محتاجينها للمناعة و العطرية تاهي و كانستف داكشي كولو فالطاجين و كايجي زوين”.
اشنو الشهيوة لي كتتقن طيبها في رمضان؟
“مكايناش شي حاجة محددة ولكن كانقاد الفلان و كانقاد الطابلة و مع هاد الحجر وليت خبير فالتصبين و النشير و الطويان د الحوايج”.
