من خلال فقرة “مشاهير في الكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم،مع إبن وجدة الكبير، الفنان حميد بوشناق رائد من رواد أغاني الراي والبداية من هنا
صوفيا العمالكي
إلا بغينا نعروفوا واش كتعاون مع مرآتك في الكوزينة خلال فترة الحجر الصحي، باش راك تجاوب؟
“صراحة، ملي بدى الحجر الصحي فالأول كنت كانقابل الأولاد و كانسول فالعائلة لأنه النفسية لي كانت عندي فبداية الحجر الصحي مكنتش كاندخل للكوزينة كانعاون مراتي فشي حوايج قلال ولكن مكنتش كاندخل للكوزينة ولكن كانعاون فالتستاف ديال الخضر و الفواكه كل حاجة بوحدها”.
إلا سولناك على اليوم(خامس رمضان الابرك) اشنو طيبتي، أش غاد يكون الجواب ديالك؟
“اليوم مطيبتش شي حاجة كبيرة درت واحد السلطة د الفلفل و قليت الكوطليت عرفت واش ماشي شي حاجة بزاف ولكن عالأقل درت شي حاجة زائد أنني كانسول على الحباب و الصحاب عبر الهاتف و كانشوف شنو دارو ولادي فقرايتهم و كنقرى الكتب دائما كل رمضان كانقرى قصص الأنبياء و كانشوف كذالك الأخبار و كانشوفو بلادنا فين واصلة فمكافحة هذا الوباء”.
اشنو الشهيوة لي كتتقن طيبها في رمضان؟
“في الحقيقة، الوجبة لي كانتقنها فرمضان و من غير رمضان هي الطاجين بجميع أنواعه سواء الدحاج أو اللحم و كاندير تا الطورطا بالبطاطا و البيض و عزيزة عليا فرمضان الشلاظة و أكيد العواصر كل مرة و شي حاجة مغايرة، ومبروك عليكم رمضان جميعا لمغاربة داخل وخارج المغرب “.
