من خلال فقرة “مشاهير فالكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم،مع حميد الحضري مغني مغربي صاحب أغنية “أنا ريال وأنت باراصا” و البداية من هنا
صوفيا العمالكي
إلا سولناك واش كتعاون مرآتك خلال الحجر الصحي في الكوزينة، أشنو الجواب ديالك؟
“أولا، رمضان مبارك كريم على جميع المغاربة، الصراحة قليل فاش كنطيب، كندخل الكوزينة غير باش نعاون إذا كان شي تقشير الخضر أو غسل الأواني أو الترفيه عن طريق الغناء و النكت”
مثلا اليوم سادس رمضان اشنو طيبتي او اش درتي؟
“اليوم طيبت طاجين ديال الحوت، و صوبة ديال الخضرة مالين الدار كايطيبو و أنا كانعاونهم بشوية د الهدرة تا هي مزيانة “.
اشنو الشهيوة لي كتتقن تطيبها أو لي كتعجبك في رمضان؟
“كيف ما حكيتلك راه ما كنطيبشي مزيان و لكن الشهيوة اللي عزيزة علي هي الطاجين د الشطون و البيصرة كايعجبني ناكلهم و خصوصا فرمضان مكايخطاونيش”.
