من خلال فقرة “مشاهير في الكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم، مع الممثل المغربي المتألق، إبن مدينة البهجة، ودار الكرم عدنان موحجة، و البداية من هنا.
صوفيا العمالكي
إلا سولناك واش كتعاون مرآتك خلال الحجر الصحي في الكوزينة، أشنو الجواب ديالك؟
“أولا الكوزينة هي أحسن بلاصة عندي فالدار، حيت كيعجبني نطيب بزاف. و معلوم كنعاون مراتي فلكوزينة و ماشي غير فالحجر الصحي. غير فرمضان مكتخلينيش و كتجري عليا من الكوزينة”.
مثلا اليوم ثالث رمضان اشنو طيبتي او اش درتي؟
“طيبت اللي قسم الله. بصاح فرمضان كنتشهاو بزاف، و لكن الواحد ضروري ياكل لي يقدر عليه و يتجنب الإسراف لي أصلا غير مستحب فهاد الشهر الكريم.بالنسبة ليا شخصيا، كناكل نفس الحاجة فالفطور من نهار بديت كنصوم. زليفة ديال الحريرة و رغيفة وحدة وبيضة. يعني مكنتقامش غالي”.
اشنو الشهيوة لي كتقن تطيبها في رمضان؟
“الحاجة الوحيدة لي منقدرش نستغنى عليها فرمضان هي الرغيفة. و فالصراحة مع الزوجة ديالي ولفنا الفطور كوجبة وحيدة في رمضان. كيف گلت ليك بصاح كنتشهاو بزاف ديال الشهيوات، و لكن هاد الشهر ماشي ديال لماكلة و الشهيوات. رمضان شهر الصبر و الإحتساب”.
