من خلال فقرة “مشاهير في الكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم، مع سعيد باي الممثل المغربي وأحد نجوم السينما والمسرحي بالمغرب، و البداية من هنا
صوفيا العمالكي
بغينا نعروفوا واش كتعاون مع مرآتك في الكوزينة خلال فترة الحجر الصحي؟
“أنا موالف كاندخل للكوزينة من قبل الحجر الصحي و دابا فالحجر الصحي ماشي كانعاون مراتي ولكن مراتي لي كاتعاوني مرة مرة فالكوزينة لأنها هي خدامة و أنا لي مكلف شوية بالكوزينة و رغم ذالك كادجي من الخدمة و كاتدخل تاهي إذن حنا بجوجنا كاينين ديما و موجودين”
إلا سولناك على اليوم اشنو طبيبتي، أش غاد يكون الجواب ديالك؟
“اليوم (ثاني رمضان)طيبت الحوت فالفران ميرنا و هاد النوع كايتطيب بواحد العدد ديال الطرق كاين لي كايتشرمل و كاين لي كايدخل بوحدو للفران و أنا طيبتو اليوم بصلصة الطماطم و دخلتو للفران و جا بنين بزاف”
اشنو الشهيوة لي كتتقن طيبها في رمضان؟
“دابا رمضان عاد بدى ولكن رمضان لي فات كنت تخصص ديال واحد الخبزة لي كاتعمر بشرائح الدجاج و الفطر و فروماج و ماطيشة بزاف ديال الحوايج باقي مدرتهاش هاد رمضان ولكن كنت كانديرها بزاف زائد الطواجن لان الطاجين ضروري إكون فالفطور وبالمناسبة كنبارك لمغاربة كاملي رمضان، ونقول ليهم شيدة وغادوز”.
