من خلال فقرة “مشاهير فالكوزينة”، تأخذكم الجريدة الالكترونيةLE12.MA ، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم، مع الخلوق والمتألق، عبد الرحمان الحواصلي حارس عرين فريق حسنية أكادير. و البداية من هنا.
صوفيا العمالكي
بغينا نعروفوا واش كتعاون مع مرآتك في الكوزينة خلال فترة الحجر الصحي؟
“أكيد كانعاون مراتي فالكوزينة فداكشي لي كانعرف ندير و داكشي لي كانقدر عليه ماشي ديما و ماشي بزاف ولكن كاندير جهدي و كانعاون قدر المستطاع، اليوم لعوين ضروري، الظروف لي كنعيشوها جميعا تتطلب التعاون والمساعدة، خاصة أن الإنسان، راه غادي يعاون للدارو والمحيط ديال الاسرة ديالو لي فيها الزوجة ديالو ووليداتو، والله يحفظ الجميع، و رمضانكم كريم”
إلا سولناك على اليوم اشنو طبيبتي، أش غاد يكون الجواب ديالك؟
“اليوم (يقصد ثاني رمضان)، طيبت الصوبة بالخضر، هي لي طيبت غير دالك مطيبت والو ولكن عاونت فالكوزينة و جميع الدار و قريت مع ولدي ولكن الطياب اليوم مطيبت والو، العمل الجماعي كاين بحال الفرقة الناجحة “
اشنو الشهيوة لي كتتقن طيبها في رمضان؟
“معنديش شي حاجة محددة في بالي ولكن عندي مع إعداد الطويجنات والأكلات الرياضية، اللعابة، مع الانتقالات بين الاندية كيكونوا بعاد على ديورهم ضروري يتعلموا يطيبو بعض الوجبات، ومنهم أنا والحمد لله معرفة الأشياء خير من جهلها”.
