من خلال فقرة “مشاهير في الكوزينة”، تأخذكم الجريدة الالكترونية LE12.MA، خلال الشهر الفضيل في رحلة إكتشاف الوجه الآخر لمشاهير من عوالم الرياضية والفن والسياسة والمال والأعمال..، مع الطبخ خاصة خلال فترة الحجر الصحي التي تتطلب تعاون الزوج والزوجة في تحمل أعباء “الكوزينة” كذلك .
حلقة اليوم، مع عزيز كرماط، النائب البرلماني السابق عن حزب العدالة والتنمية ورئيس لجنة الرياضية بمجلس جهة الرباط- القنيطرة. والبداية من هنا.
صوفيا العمالكي
بغينا نعروفوا واش كتعاون مع مرآتك في الكوزينة خلال فترة الحجر الصحي ؟
“قبل رمضان، غانكذب عليك لا قلت ليك راه كانعاونها ربما لأنني كانقابل بنتي و كاينة المساعدة معاها هادشي علاش هما كايتكلفو ولكن كاندخل مرة مرة نذوق الشهيوات ملي كانشم الريحة كانجي للكوزينة، هاد الشي قبل رمضان، اليوم انا صايم ما يمكنش نذوق “.
إلا سولناك على اليوم اشنو طبيبتي، أش غاد يكون الجواب ديالك؟
” في الحقيقة، اليوم موالين الدار لي مكلفين، ولكن يمكن لي نقول لك خلال مدة الحجر دخلت مرة وحدة للكوزينة باش نطيب وهي فاش درت الفيديو و حطيتو فالفايسبوك باش نتقاسم مع الأصدقاء هاد اللحظات و نبدلو الجو و طيبت “الفرخ بالزبيب” و هادشي كنت كانطيبو ملي كنت مع الوالدة شحال هادي”.
اشنو الشهيوة لي كتوقف على الطياب ديالها في رمضان؟
“الشهيوة لي كنوقف على الطياب ديالها في رمضان،هي البغرير و لكن كندخل للكوزينة ملي كايوجدو العجينة ديالها أنا غي كانوقف عليه ولكن بالنسبة لي رئيسي إكون”.
