هم شخصيات من عالم السياسة والمال والأعمال، ومشاهير ونجوم في ميادين الرياضة والفن والثقافة، منهم من تواصلنا معه وتقاسمنا انشغالات واهتمامات وأجرينا حوارات، ومنهم من لم تسمح ظروف الواقع باستضافتهم واللقاء بهم إلا على بساط الخيال.
الجريدة الالكترونية LE12.MA، تنقلكم خلال الشهر الفضيل، إلى عوالم بعيدة عن الواقع قريبة من الخيال .. في حوارات ساخرة، لكن ماشي حقيقة..
ضيف اليوم هو ميستر ترامب، لي كنرحبوا بيه في هذا الحوار الافتراضي .. وكنقولوا ليه “وسع قشابتك”، ونقول للجمهور كذلك، كل علاقة وجدها بين الواقع والخيال في هذا الحوار، راه من محض الصدفة، والله يسمح لينا.
مصطفى قسيوي
– ميستر ترامب ، ربي واش هداك الشي ديال جافيل والصابون معقول نيت؟
* ياس ، أوف كورس ، مالنا حنا تلعبوا ، راني بريزدون ديال ليطا زيني ، تحدثت عن جافيل وحتى الضو، ولكن كاين لي كيزيد في العلم وقال إنني قلت الضو و الماء، والحقيقة، هدا تصريح محرف لا أساس له من الصحة، الخصوم ديالي كيكدبو عليا. آجي بعدا، ربي كداير مول جافيل لي عندكم في المغرب، كنقلب عليه شفتو غبر وتقطع ليه الحس من ضربتنا هاد الجايحة.. عييت ما نصوني عليه كنسمع غا TiT. TIT. ولكن أنا بيت مول جافيل أش بيت بـ”وحيد تيت تيت”.
– بلا ما تهرب مستر ترامب ، راك عاوتاني قلتي غير كنتي تتدير ذاك الضحك ديالك لي في شكال ، وبلي جافيل والصابون ما نافعين في والو ؟
* سمع سي كسيوي ، إز يور نايم .. ياس.. ؟.. أنا تنقلب على الحلول هنا وهناك وخاصني نجرب كلشي لأن الخلعة شاداني أنا الأول قبل أي واحد في العالم .
– زعما ، ما يمكنش غير تكون بغيتي تدير بزنس إز بزنيس .. و تستغل الظرف وتبيع الصابون ديال الشركات لي تابعا ليك .
* ما كرهناش .. نجمعوا شي مصيريف زايد ، الشينوا ما غادا تخلي لينا والو .. ريباتنا ..ولكن خاصني نلقا الحل باش منعطيهاش فرصة تزيد تدمرنا ، وبيني وبينك مازال باغي نزيد نطول شوي في الرياسة ديال الميريكان.
– آجي ودابا لقيتي شي حل ولا مزال ؟
* فكرتيني الله يرحم حناك، راه عليها قلت لك بيت مول جافيل الخبير المغربي كيجاوبني غير وحيد تيت تيت ولا شتيعيطو لو”
– ياك أودي لاباس ؟
* بغيت ندوز له مارشي كبير”
– ديالاش ؟
* ديال جافيل”
– ربي من نيتك ؟
* علاه كنفرقوا اللغا هنا”
– شوف مع الفايد راه يفيدك ؟
* فاش؟
– في الوصول إلى مول سيفن ميليين، عفوا مول جافيل ؟
* واش بالمعقول
– أجي بعدا علاه أش بيتي بمول جافيل يكما كلام الصحافة صحيح ؟
* آ لواه يا، لا تعود تكولها”
– واش بيته آ سيد الرايس ؟
* باش يصدر لي جافيل نسيق به الشوارع
– هاكاك، شحال ناوي تعطيه في هاد المارشي ؟
* 7 المنيون
– آممم. ما نظن باقي عاد يقنع ب 7 المنيون، إيوا سير دوور عليه في مختفون وإلا لقيتو؟
* أوكي
– كام هير بعدا، هاك ها التلفون ديال الزميلة أسماء عينون مولات الدوزيام
* ياك
– إييه نعم آسي . إلا ما جوابك دوور للقايد، عفوا الفايد، إيوا كون قافز ، واش وفهمتني ولا ولا .
